下午3時30分, 老人科門診正進行得如火如荼, 我在努力診症中。
突然, 一位中年男子未敲門, 便從外面衝了進來診症室!
「你地有無攪錯呀! 我3點鐘掛號點解仲未輪到我, 離哂普㗎。。。」叔叔放大喉嚨大聲呼喝着。
「未到你呀, 請你係出面耐心等候, 唔該哂! 」我也未及開口, 跟房同事已立刻衝上前請他出去, 然後關上門。不慌不忙, 又不失風度。
「呀, 你真係勁, 處理得真係好! 」我對跟房同事說。
「哈哈! 緊係唔好同佢嘈啦。」說得真對! 有時真的不能硬碰硬。
我如常地繼續診症。
突然, 有人在外面猛力拍打診症室大門。這個時候, 我又怎能置身事外呢？
我走到門口, 打開大門, 那位中年男子站在我前方, 未待我發言, 便連珠炮發的大罵:
「我明明約 3點㗎, 點㗎仲未到我呀, 我飯又未食, 宜家胃又痛, 有無攪錯呀, xyzxyz。。 。」
「你睇吓, 我地仲有好多人等緊, 要跟次序㗎喎, 唔可以咁樣睇咗你先喎。睇咗你先, 咁咪即刻打咗人尖?」
「你地啲都唔係理由嚟, 我明明3點, 宜家要等咁x 耐, 仲係度狡辯。。。」
「我 2點鐘籌都係宜家睇呀, 你都多鬼餘㗎, 出番去等啦。」坐在門診裏的老友記也忍不住發聲。
「係啦, 嘈乜鬼呀, 唔好阻住啦。」大堂的病友和家屬也在幫口。
「你地有無攪錯! 哈! Xyzyx。。。」
「你咁樣仲阻住我睇症添。」
「Dr S, 等我嚟。你繼續睇症, 我 call 埋保安。」門診部的資深護士聞風趕到, 替我解圍。
我關上門, 繼續替面前的老友記診症。
「唔使理佢, 佢都儍傻地嘅。」老友記在安慰着我。
醫療資源不足又分配不均, 病友多, 醫生少; 結果是市民繼續怨聲載道, 醫護人員則因不勝負荷而筋竭力疲, 最後心灰意冷。
今天這種場面恐怕將會不斷在重演。
Search